शिक्षकांची कर्तव्ये :-
- नियमित व वक्तशीरपणे शाळेत उपस्थित राहणे .
- निर्धारित अभ्यासक्रम निर्धारित कालावधीत पूर्ण करून 'सातत्यपूर्ण सर्वंकष मूल्यमापन '(CCE ) द्वारे बालकांची प्रगती सुनिश्चित करणे .
- गाजेनुसार अतिरिक्त पूरक मार्गदर्शन करून वर्षाखेर सर्व बालकांची प्रगती साध्य करणे .
- व्यापक 'सातत्यपूर्ण सर्वंकष मूल्यमापन ' करून मुलांचे प्रगती पत्रक तयार करणे .
- पालक सभा आयोजित करून त्यात बालकांची उपस्थिती , क्षमता व प्रगती यावर चर्चा करणे .
- विविध प्रशिक्षणात सहभागी होणे .
- परिसरातील शाळेत न येणाऱ्या मुलांचा शोध घेऊन त्यांना शाळेत दाखल करणे .
- शाळा व्यवस्थापन समितीत शिक्षकांचा प्रतिनिधी म्हणून काम करणे .
- शासनाने निर्धारित केलेली किमान अर्हता प्राप्त करणे .
- सकाळ-दुपार विद्यार्थ्यांची हजेरी घेणे .
- गैरहजर मुलांच्या पालकांच्या भेटी घेऊन चौकशी करणे .
- शालेय दैनंदिन उपक्रम , सहशालेय उपक्रम यात सक्रीय सहभाग नोंदवणे .
- कृतीशील अध्ययन , ज्ञान रचनावाद , बालस्नेही , बालाकेंद्रित वातावरण , स्वयं अध्ययन इत्यादीद्वारे ज्ञानदानाचे कार्य करणे .
- शाळा हा गावच्या विकासाचा घटक असल्याने साक्षर भारत , निर्मल ग्राम योजना , संपूर्ण स्वच्छता अभियान, राष्ट्रीय ग्रामीण आरोग्य अभियान ई . योजनांची माहिती ठेऊन गरजेनुसार सक्रीय सहभाग नोंदविणे .
- सर्व विद्यार्थ्यांना समान संधी व समान वागणूक देणे .
- बाल हक्कांच्या संरक्षणासाठी प्रयत्नशील राहणे .
- शाळेतील उपलब्ध साधनसामुग्रीचा अध्ययन अध्यापनात नियमित वापर करणे . ऊदा . संगणक, टी. व्ही . ,गणित पेटी , विज्ञान पेटी , नकाशे , स्वनिर्मित शैक्षणिक साहित्य , स्वयं-अध्ययन कार्ड , विविध चार्टस , मोडेल्स इत्यादी .
- वर्गाशी /शाळेशी निगडीत सर्व अभिलेखे अद्ययावत ठेवणे .
- मुख्याधापक / अधिकारी यांच्या लेखी / तोंडी सूचनानुसार प्राथमिक शिक्षणासंबंधीची सर्व कामे पार पाडणे .
- RTE ACT 2009 व RTE RULES 2011यातील सर्व तरतुदींचे पालन करणे .
