यशस्वी होण्याचे नियम

यशस्वी होण्याचे नियम

यशस्वी होणे हे प्रत्येकाचेच ध्येय असते .पण फार थोडेच लोक आत्मचिंतन करून स्व:तच्या यशाचा खडतर मार्ग शोधून काढून त्या मार्गे जाऊनच यशस्वी होतात तेव्हा सर्वसामान्यत: यश हे सहजासहजी कोणालाच मिळत नसते,तसेच यशाची व्याख्या सुद्धा व्यक्तिपरत्वे,स्थाना परत्वे वेगवेगळी असू शकते.एवढे मात्र निश्चित आहे कि यशा साठी लढा प्रत्येकाला द्यावाच लागतो आणि हा लढा नेहमीच स्वकियांशीच म्हणजे स्वतः मधील दुर्गुण, अज्ञान यान्च्या विरोधात असलेला लढा असतो तेव्हा हा मार्ग चालू लागू या . यशस्वी होऊन इतरांना हि यशस्वी करू या .
यशाचा मार्ग मला दिसत नाही ,
कारण यशस्वी होण्याचे ठरत नाही.||
निर्धाराने मी ठाम बसत नाही,
आणि यश मजकडे फिरकत नाही.||
चिंतनाने जागवले महाभारत,
प्रथम भीमच आला बाहु सारत||
तुला जर यशस्वी व्हायचेच आहे ,
तर पुर्णारोग्य हाच पर्याय आहे ||
जर तु पूर्ण आरोग्य राखले,
तरच मिळतील यशाचे दाखले||
पुर्णारोग्याची खूण ती काय ?
समजाऊन मला तु सांगशील काय?
पाय गरम्,पोट नरम्,थंड माथा
हीच आहे पुर्णारोग्याची गाथा ||
मला तर लागले यशाचे पिसे
प्रश्न मला हे साधायचे कसे?
आरोग्य रूपी भीमाचा दावा
दहा टक्के तरी सुविचार हवा ||
त्यावर पंधरा टक्के सुवर्तन
नक्कीच करेल तुझ्यात परिवर्तन ||
सोबत असावे पंचेवीस टक्के विज्ञान ,
विज्ञानयुगात राहू नये अज्ञान||
येथे तुला अर्धे यश मिळेल ,
उर्वरित अध्यात्माने सिद्ध पावेल||
सुविचारी सहदेव सुरवातीला ,
सुवर्तनी नकुल सह सोबतीला ||
अर्जुन तर असे विज्ञान राज ,
आणि अध्यात्म असे धर्मराज ||
एक वासना शंभर विकार ,
आमुच्यापुढे घेती माघार ||
जेथे आम्ही नांदू एकत्र
यशच यश दिसेल सर्वत्र || 
(१०% सुविचार +१५% सुवर्तन +२५% विज्ञान +५०% अध्यात्म, यानेच १००%पूर्ण आरोग्य लाभते पुर्णारोग्य हेच यशस्वी जीवन होय )